Sehlopha_sa_Kgoši_Molepo[1].pptx Thulaganyo

Thulaganyo ya Bogadi ke Petse

1. Sehlopha sa Kgoši Molepo SEPEDI LELEME LA GAE

2. LEINA SEFANE NTOMBIKAEHLE HLABANGWANE TETELO SENYOLO LEHLOGONOLO PHASHA PRECIOUS KGOLE ORATILWE THLAPANE

3. Thulaganyo Thulaganyo ke tatelano ya ditiragalo kgato ka kgato go tloga mathomong a sengwalwa go fihla mafelelong a sengwalwa . Mojalefa (1995:10) o hlaloša thulaganyo bjalo ka go rulaganyana ditaba ka mokgwa wago bolela le go ngwala. Mongwadi o ikgethela ditaba tšeo a nyakago go ngwala ka tšona . Mongwadi o hlaloša gore thulaganyo ke mokgwa wo a beakanyago ditaba tša diteng gore maikemišetšo a gagwe a tle a tšwelele gabotse . Ge thulaganyo e sekasekwa , go swanetše go lemogwa moko le moakanyetšo wa ditaba . Thulaganyo e rulagantšwe ka magato a mane elego : Kalotaba Tšwetšopele Sehloa tlemollo ya lehuto

4. Thulaganyo ya Bogadi ke Petse Kalotaba Kalotaba ke legato la mathomo la thulaganyo . Ke matseno a sengwalwa . Mo legatong le mongwadi o tsebiša baanegwa elego molwantšhi , molwantšhwa , le mohlohleletši ; ditiragalo tšeo di hlolago thulano ; le tikologo ( lefelo le nako ). Groenwald (1993:18) le mojalefa (1995:19) ba re kalotaba ke ge mongwadi a begela mmadi ditaba . Go ahlaahlwa ditaba tšeo di tšwelelago ka gare ga diteng tša sangwala . Serudu (1989:25) o tlatša kakanyo ye ge a re kalotaba ke mo padi goba papadi e thomago gona , mongwadi o thuša mmadi go kwešiša padi, papadi goba kanegelokopana ka go mo fa tshedimošo ye bohlokwa . Kalotaba e nale di elemente tše tharo elego baanegwa , tiragalo , nako le lefelo . Baanegwa ba arotšwe ka dikarolo tše pedi elego baanegwathwadi la baanegwathuši . Abrams (1988:139) o re moanegwathwadi ke mmapadi yo kgahlego ya babadi e lebišitšwego go yena, ebile ke yo babadi ba kgonago go phela le yena, o lwantšhetšwa go loka goba go se loke ga gagwe . Serudu (1989:32) o re moanegwathuši ke moanegwa yo a tšwelelago mo le mola goba mabakeng a mantši ga a balwe go fihlela ditaba di fela .

5. Kalotaba ya Bogadi ke Petse Mongwadi o tsebiša baanegwa elego batswadi ba ntholeng , ntholeng , mahlomola , dikgaetšedi tša mahlomola , le mmago mahlomola . Ntholeng le mahlomola ke banyalani . Ntholeng ke molwantšhwa mola mmago mahlomola e le molwantšhi . Tikologo Tikologo e amane le nako le lefelo la ditiragalo . Lefelo Ditiragalo di direga gabo Ntholeng ge yena le Mahlomola ba be ba nyalana ka lenyalo la dikgomo le motšhato , le ga bo Mahlomola mo Ntholeng a ilego a thothela gona ka morago ga go nyalwa abe a swarwa bjalo ka lekgoba . Ka phaphošing ya bodulo fao Ntholeng a bego a re ge a nyaka go hlwekiša , dikgaetšedi tša mmotša gore di sa bogetše thelebišene . Nako Ditiragalo di be di direga mosegare ge mahlomola abe a nyala Ntholeng . Ka masa ge ntholeng a be a tsošwa gore a beele mmago Mahlomola meetse a go hlapa . Bošego ge Ntholeng a be a robatšwa ka tlala .

6. Ditiragalo Mahlomola le Ntholeng ba ile ba nyalana ka lenyalo la dikgomo le motšhato . Ntholeng o ile a thothela gabo Mahlomola . Ntholeng o be a tsošwa ka masa gore beele mmatswale meetse a go hlapa . O be a swiedišwa lebala , ntlo , ebile a dira mešongwana ya ka lapeng a le noši . Ntholeng o ile a tshwarwa gampe ga bo Mahlomola ka ge abe a hlorišwa ebile asa ratwe ke mmatswale wa gagwe le dikgaetšedi tša monna wa gagwe . O bile a tšhelwa ka meetse ago bela ge abe a apea Ka mošašaneng wa bo Mahlomola . Thulano e thoma ge Mahlomola a nyala mosadi ebile a mo goroša ka gabo gomme mosadi wa gagwe a thoma go swarwa bjalo ka lekgoba , motho yo a senago maikutlo , gape yo a sa ratwego .

7. Tšwetšopele Tšwetšopele le legato la bobedi la thulaganyo . Ke mo go bago le tiragalwana yeo e hlohleletšago goba e hlolago thulano ya mathomo ya sengwalo . Mo o swanetše go hlaloša ka botlalo seo se hlolago thulano ka gare ga padi. Serudu (1989:52) o bolela gore tšwetšopele ke kgato yeo e tšwetšago ditiragalo pele mo kanegelong . Ke hlakahlakano yeo e hlolegago mo ditiragalong kamoka tšeo di tšwelelago kanegelong . Lazarus le ba bangwe (1983:71) ba tlaleletša ka gore tšwetšopele ke thulano yeo e lego gare ga baanegwa . Thulano ye hlolwa ke magato a dingangišano tšeo di oketšago lehuto go fihla sehloeng gare ge maikemišetšo a molwantšhwa le baanegwathuši . Shole (1988:19) o re ke thulano yeo e thibelago molwantšhwa go atlega . Groenewald (1993:21) o re bohlokwa bja tšwetšopele kego godiša maatlakgogedi gore moko wa ditaba o tšwelele gabotse .

8. Tšwetšopele ya Bogadi ke Petse Mahlomola o ile a sepela a ya mošomong gauteng gomme a tlogela mosadi wa gagwe le ba lapa la gagwe leo lesa ratego mosadi wa gagwe . Ntholeng o be a tsoga ka masa a gotša mollo gore a direle mmatswale wa gagwe tee, ka ge bo mogadibo ba itirela ba nnoši . Ba be ba mmerekiša bjalo ka lekgoba , bamo diriša mešongwana kamoka ya ka gae a nnoši . Gea botša mahlomola wa gagwe gore ga a swarwe botse , o ile a mmotša gore a kgotlelele . Kgohlano e tšwelela gape ge mahlomola a thoma o romela tšhelete yago reka dijo go mosadi wa gagwe a sesa romela ba lapa la gagwe .

9. Sehloa Sehloa se lebane le magomo a maatlakgogedi (groenwald,1993:22). Wales(1989:67) le sharpley (1975:51) ba tlaleletša tlhaloso ya sehloa ka gore ke mafelelo a tšwetšopele . Dithulano ka moka tšeo di bego di latelelana di fihla magomong . Lawson (1965:259) le yena o tlaleletša ka go tsopola barett ka gore: sehloa ke ge phišagelo e fihla mafelelong . Ge e le lenti leka kgaoga nako yenngwe le yenngwe ( serudu et al, 1985:118). Ka boripana go ka thwe ke mafelelo a ngangego fao baanegwanethwadi ba tšeago sepheto sa go fediša dithulano tša bona. Ka go realo sephetho sa baanegwathwadi se netefatša tharollo ya go fediša mathata ( mcdonell et al, 1979: 548).

10. Sehloa sa Bogadi ke petse Mmago M ahlomola ba ile ba kgakgana le ntholeng lebaka e le gore o fišitše morogo woo ba tlilego le wona . Mmatswale wa N tholeng o ile a mo roga gomme a re ge a tloša morogo sebešong go a šala meetse a go apea bogobe a swa monwana wa tšhupabaloi . Mmago M ahlomola ba ile ba tšea meetse a le a go bela , gomme ba gaša N tholeng bare ba fišwa ke pitša yena a sa duletše monna . Meetse ale a go bela a ile a fiša Ntholeng letsogo la moka le legetla la ntsogohlo .

11. Tlemollo ya lehuto Go ya ka mojalefa (1995:25) le lewis (1996:25) tlemollo ya lehuto ke kgato ya mafelelo ka mo go fedišwago ditaba mo kanegelong . Ke go rarollwa ga mathata le bofelo bja ditaba . Tlemollahuto ke fao dipelaelo , dikgakgano , ditiragalo , le dikgakanego kamoka di fihlago seremong . Ke mo bothata bjola bo thomilego go phekgogo bo rarollogago .

12. Thumo Mongwadi o atlegile go tšweletša magato a mararo a thulaganyo ya Bogadi ke petse elego kalotaba , tšwetsopele le Sehloa efela ašitwa ke go tšweletša legato la mafeleo elego tlemollahuto .

13. Histori ya Bošega Ba ga molepo ke Makgalaka , ba kgaogane le Makgoba kgatla ba theogela Bo šega ba hwetša go buša Makubu. Kgoši ya Makubu e le Molelemane Maloka. Bona kgoši ya bona e le Mmatswane. Mmatswane a tswala Lekgalaka. Ba lwa le Makubu ba a fišetša dintlo. Ba be ba thumešitše dišu tša dikgomo ka mollo ba di tlhometše mesêbêng. Ge mesêbê e tlhaba dintlo, tša fswa. Ke ge makubu a fengwa gobane a se sa ne gae. Morago gwa buša Maiša, yena o lwele le mapono a ga Moselakatse.

14. Ka morago ga ntwa yeo gwa hlolega tlala ya Bodimo . Tlaleng yona yeo go be go swanet še go wela Mmorwage Setlakalane, mme mohumagadi a epela mabele ka ntlong gore kgoši yeo e bolawe ke tlala a epelwa mmotong wa makgoroma mo go epelwang dikgoši tsa Bošega le lehono. Ka morago ga moo Mokgomana wa ga mafefe a longwa ke kwena. Ka ge molao wa setala o be o re motho ga a lomilwe ke kwena ga a tsene ka kgoro, a laola dira go ya go hula maune ga Mmatšhipi, a feta a rapa sera Bošega, sona sa rwala ke Setlakalane e le mokgomana wa Bošega. Ba fihla ba fenya Matebele ba hlaba dikgomo ba apea nama kgorong. Mohumagadi a re: “Na le reng le re le fentše le sa tloge? Matebele a tla le fetša”. Ba kae bo-Sekgaolelo sa Bathokwa ka bo Makgafola. Ba se ke ba šetša keletšo yeo ya mohumagadi Mmatšhipi. Ba re ba sa thabile ba e ja dinama ba bint šha basadi koma tša bodika, a tšwela Matebele ka dihlopana ka mahlakoreng ohle a motse, a ba diakanetša a ba fetša Makgau Maune a Morulana. Mokgomana wa ga Mafefe a hwela gona ntweng yeo le Setlakalane, Bakgomana ba boileng ntweo yeo Bošega ke Mmankgatleng, ga Mafefe ke yena Mmafefe. Banna ba feletše moo basadi ya šala e le bahlologadi. Monna o tee a emela motse, le methepa e hloka batšei.

15. Ke ge Mmankgatleng a ntšha Bodika bya Mathunya. E ile ge bo sa tšwa go aloga, a fihla Maune a Morulana a gopotše go thopa dikgomo, ka ge banna ba fedile ngwagola ntweng. A tšwela e sa le gosasa a bonwa ke mosadi ya beng a tšogetše nokeng. Ba re re a mo leka a phonoga a hlaba Mokgoši, banna ba tšoga, ntwa yeo e lwele ke dialoga di sa nee matsoki. Banna ge ba e tšwa ka kgoro ba wela Matebele godimo ka tšhoša, ba itheta, ke bo-komasepela a Mmanthonyane, Legeti, Kgarole, Moseneke ka bo-Matile le ba bang. Ba ba theoša le moedi wa Mmabodibane, ba ba swara lehlakola se ba ile, ge ba lebile noka ya Mphogodiba. Phalafala ya lla. Morago gwa buša Mmakgwana ge Makgowa a hula. Gomme batho ba tšhabela ka ntšie, Mmankgatleng yena a ya Molele. Morago ga Makwana ya eba Komeledi, a latelwa ke Setlakalane, o hwile ka 1938, Lehono go buša Makgwana.

16. Sereto sa Mmankgatleng Mankgatleng diatla ke kgona go letša tša batho Tšhweu a seloa rangwane’a mošitši Rangwane’a putla le setlalakane Tšhoša a ntšha rumo le legolo go mangwe Ntshegeleng thetebodi a maleka Kotse ke swere tlou lelokwane Moretlwa wa mapakwaneng ke thupa ke kgati ngwan’a lesiba Ke kgati e tiang batho pelo morwa ramaseo pheko e Khwibidu ke pheko ya go re fenya matebele

17. Tšwetšo Sefenya ya bašimanemagaola Magoši ka moka le se le kgobane Le goma ka porotlwane a molomo Ka bo selosamaboea bo lekatsile Tau swara kgomo ngwan’a lesiba sebata sa mangana Mo lese a fete go fetše bo letšana ka bo morwa mmadika monn’a Kgati , ba dia dikgomo mošala šopeng Ba di elelwa gola ba phologile Ba e ja morutwana ga M phahlele

18. RE A LEBOGA!!

19. Methopothušo Mojalefa, M. J. (1995). Mopedi o rile…: thutadingwalo . Kagiso: pretoria . Serudu , M. A. (1989). Thutadingwalo ya Sesotho sa Leboa. Van Schaik: Pretoria. Groenwald , P. S. (1993). Thutadingwalwa ya Sesotho sa Leboa 3. Via Afrika: Pretoria Shole, J. S. (1988). Thutadingwalo ya Sepedi. Van Schaik: Pietersburg. Mabaya, S. (2009). Bogadi ke petse . Vivlia Publishers. Kgopa , M. M. (1992). Thutadingwalo ya Sepedi. Van Schaik: Pretoria