ARALIN 3 MGA PAKINABANG NA PANG-EKONOMIKO NG MGA LIKAS NA YAMAN.pptx

AP

1. MGA PAKINABANG NA PANG-EKONOMIKO NG MGA LIKAS NA YAMAN YUNIT 2: ARALIN 3 Ms. Shane P. Ababao Guinobatan West Central School Guinobatan , Albay

2. PAKINABANG SA KALAKAL AT PRODUKTO Ang Pilipinas ay sagana sa likas na yaman . Kung kaya, ang Pilipino ay karaniwan nang umaasa rito upang matugunan ang kaniyang mga pangangailangan . Maraming produktong nakukuha sa mga yamang ito . Ang mga ito rin ang nagdudulot ng pag-angat ng antas ng ekonomiya ng bansa .

3. … Pangunahin nang kapakinabangan sa ating likas na yaman ang mga produktong nakukuha rito . Ang mga isda at iba pang lamang dagat at tubig ; mga prutas at gulay at pang- agrikulturang produkto ; mga torso; mga mineral, ginto , pilak at tanso ; at marami pang iba ay napagkakakitaan natin ng malaking halaga . Ang mga produktong ito ay iniluluwas din sa ibang mga bansa . Nangangahulugan na karagdagang kita ito sa ating kabang-yaman at dagdag na pag-angat ng ating ekonomiya .

4. PAKINABANG SA TURISMO Bukod sa mga kalakal at produkto , likas na yaman ding maituturing ang maraming lugar at tanawin sa bansa . Malakas itong atraksiyon sa mga turista buhat sa mga karatig-lalawigan at maging sa labas ng bansa . Ilan sa mga atraksiyong ito ang mga dalampasigan , talon, ilog , kabundukan , bulkan , kagubatan , at maging ang ilalim ng dagat . Dinarayo rin ng mga turista ang mga makasaysayang lugar sa bansa . Bunga nito , Malaki ang naiaambag ng turismo sa pag-unlad ng ekonomiya .

5. PAKINABANG SA ENERHIYA Pinagkukunan din ng enerhiya ang likas na yaman ng bansa . Isa itong malaking bagay na nakatutulong sa ating ekonomiya dahil hindi na natin kailangang umangkat pa ng maraming krudo o langis . Pinatatakboo ang mga planta ng kuryente sa pamamagitan ng puwersa ng tubig mula sa talon ng Maria Cristina, lawa ng Caliraya , at lakas ng hangin sa Bangui, Ilocos Norte sa pamamagitan ng windmill . Ilan lamang ang mga ito sa kapakinabangang nakukuha sa ating mga likas na yaman .

6. GAWIN MO: Gawain a Punan ang tsart ng hinihinging impormasyon . Isulat ang sagot sa notbuk . LIKAS NA YAMAN KAPAKINABANGANG PANG-EKONOMIKO Hal: Produkto >Tuna at iba pang isda Pinagkukunan ng ikabubuhay bilang eksport , lokal na konsumo Tanawin > Bulkang Mayon Turismo

7. TANDAAN MO Ang mga likas na yaman ay nakapagdudulot ng maraming kapakinabangan sa ating ekonomiya . Ilan sa mga pinagmumulan ng kapakinabangang pang- ekonomiko ay ang mga produkto at kalakal mula sa mga likas na yaman , turismo, at kalakalan .

8. NATUTUHAN KO ____ 1. Taniman ng strawberry sa Baguio ____ 2. Lungsod ng Tagaytay ____ 3. Puerto Galera ____ 4. marmol ____ 5. Bulkang Mayon ____ 6. ginto , pilak , at tanso ____ 7. Puerto Princesa Underground River _____ 8. Tarsier Tukuyin at isulat sa sagutang papel ang mga pakinabang na pang- ekonomiko mula sa mga sumusunod :

9. TAKDANG ARALIN: Lumikha ng isang poster na nagpapakita ng pakinabang na pang- ekonomiko mula sa likas na yaman ng bansa . Ipaliwanag sa klase ang kahulugan ng nilikhang poster.