Atonement BIBLE STUDY PREACHING.pptx

N/A

1. Aada han dugo an kinabuhi han tagsa nga buhi nga binuhat , ngan tungod hini nagsugo an Ginoo nga pag-ipison dida han altar an ngatanan nga dugo para hin pagkuha han mga sala han mga tawo . An dugo nga amo an kinabuhi amo an nagkukuha han mga sala . Levitico 17:11

2. 'Amo ini an akon dugo nga nagpapadig -on han ginsaaran han Dyos , an akon dugo nga gin- ula para han kadam-an, basi mapasaylo an mga sala . ' Mateo 26:28

3. 8 Syahan nagsiring hiya, “ Diri ka naruruyag o nalilipay hin mga tinubod nga unong ngan mga halad , o hin mga mananap nga tinubod ha halaran , ngan han mga halad pagkuha hin mga sala .” Ginsiring ini niya bisan kon iginhahalad ini nga mga tinubod nga unong sumala han Balaod .  9 Ngan nagsiring hiya, “Aadi ako , O Dyos , pagtuman han karuyag mo ipabuhat ha akon .” Sanglit iginsalikway han Dyos an ngatanan nga daan nga mga tinubod nga halad , ngan ginliwanan niya ini han paghalad ni Cristo.  10 Tungod nga gintuman ni Cristo an karuyag han Dyos ipabuhat ha iya , nalinisan kita ngatanan han sala pinaagi han paghalad niya han iya kalugaringon nga lawas makausa ngan para han ngatanan . Hebreo 10:8-10

4. 18 Sanglit kon ginpasaylo na ini nga mga sala, diri na kinahanglan in halad pagkuha hin mga sala. Hebreo 10:18

5. 26 Kay waray na gud iba nga halad nga makakakuha han mga sala kon tuyoon gud naton hin pagpinakasala katapos ipahibaro ha aton an kamatuoran .  27 Lugod, an nahibilin amo na la an pagkahadlok han ginpapamulat nga paghukom ngan an mapintas nga kalayo nga makakaugtang hadton mga nasupak han Dyos !  28 Ginpapatay hin waray kalooy an nagtatalapas han Balaod ni Moises, kon paghukman hin duha o tulo nga mga testigo nga salaan .  29 Sanglit, ano man an mahinanabo han tawo nga nagtatamay han Anak han Dyos ? nga diri nagmamahal han dugo han ginsaaran han Dyos , nga naglinis ha iya tikang han iya mga sala ? nga nagbiaybiay han Espiritu nga nahatag han grasya ? Paghunahunaa daw kon ano ka dako nga sirot an angay ha iya !  30 Kay nakilala kita han nagsiring , “ Ako an mabulos , ako an mabayad ,” ngan han nagsiring liwat , “ Maghuhukom an Ginoo han iya mga tawo .”  31 Makalilisang an pagkahulog ngadto han mga kamot han buhi nga Dyos ! Hebreo 10:26-31

6. 22 Kundi yana , tungod han kamatayon ha kros han iya Anak , ginsangkay kamo han Dyos , basi dad-on kamo nga santos , putli , ngan waray dum -it ngadto ha iya atubangan .  23 Matuod, kinahanglan magpadayon kamo nga matinumanon dida hin marig -on ngan waray pagkawaring nga patukoranan , ngan diri kamo tumugot nga magruhaduha kamo ha iyo paglaom nga nakarawat niyo han pakabati niyo han Maupay nga Sumat . Tungod hini nga Maupay nga Sumat nahimo ako , hi Pablo, nga usa nga surugoon hini nga Maupay nga Sumat nga iginwali ha ngatanan dinhe ha kalibutan . Colosas 1:22-23

7. 10 Hadto anay mga kaaway kita han Dyos , kundi ginhimo kita niya nga iya mga sangkay pinaagi han kamatayon han iya Anak . Yana nga mga sangkay na kita han Dyos , tatalwason pa gud kita niya pinaagi han kinabuhi ni Cristo!  Roma 5:10

8. 19 Sanglit, kabugtoan , may- ada na kita hingpit nga kagawasan hin pagsulod han Labi ka Baraan nga Dapit tungod han kamatayon ni Jesus. Hebreo 10:19

9. 19 Ini nga paglaom amo an angkla han aton kinabuhi . Marig -on ini ngan kasasarigan , ngan nakakatahos han biray han langitnon nga templo , ngadto han labi ka baraan nga sulod han templo . Hebreo 6:19

10. 5 nga samtang mga patay pa kita ha espiritu tungod han aton mga pagtalapas , ginbanhaw kita niya upod kan Cristo. Natalwas kamo tungod han grasya han Dyos .  Mga taga-efeso 2:5