Sehlopha_sa_Kgoši_Mampuru-LERIBA -CORRECT.pptx

Pego ya Sepedi ( AFT 121).

1. Sehlopha sa Kgoši Mampuru AFT 121 SEPEDI

2. MAINA A BAITHUTI: Leriba Jan Phetolo Mamoriri Phetolo Macheke Mpho Wilson Moyo Kgaugelo Philly Morudu Solly Mmatlou Mabale Tshidi Judith

3. 1.1 Ahlaahla mellwane ya padikopana go ya le ka moo e tšwelelago ka gona ka gare ga padikopana ya BOGADI KE PETSE. Mellwane ya padikopana ya BOGADI KE PETSE: Mellwane ke tsela yeo mongwadi a swanetšego go e šomiša ge a ngwala padikopana . Mongwadi o swanetše go ngwala padikopana a lebeletše ebile a tiišetša gore lefase la padikopana le dikologa godimo ga baanegwathwadi fela . O swanetše go šomiša tsheketšo ya mantšu le polelo ya Sepedi ye e hlwekilego ge a ngwala padikopana ya gagwe , le tebanyo ye tee ya padikopana . ➢ Baanegwa ba padikopana ya Bogadi ke Petse . Mongwadi o atlegile go tšweletša mollwane wa go šomiša baanegwa bao ba sa fetego tshela ka ge padikopana ye e lebantšhitšwe ka tiragalo ye kgolo ye e tee. Ga go sa le bohlokwa go fetolela sengwalwa sa gagwe go padinyane ka ge a kgonne go tšweletša palo ya baanegwa bao ba nepagetšego . Go padikopana ya Bogadi ke Petse , mongwadi o re ntšheditše baanegwa ba bahlano elego Ntholeng , Mahlomola , mmagoMahlomola le dikgaetšedi tše pedi tša Mahlomola . Bao ke baanegwa ka moka bao ba tšeago karolo ka gare ga padikopana ye ya Bogadi ke petse . baanegwathwadi ka gare ga padikopana ye ke Ntholeng le Mahlomola .

4. ➢ Tebanyo ye tee ya padikopana ya Bogadi ke petse . Tebanyo ke go lebanya mongangiši le mongwangišwa . Ka gare ga dingwalwa tša go swana le padi le papadi o humana go ena le tebanyokgolo le ditebanyo tše dingwe tše dinnyane . Bobedi di fapana le kanegelokopana ka ge yona ena le tebanyo ye e tee fela yeo e dikologago sengwalwa . Tebanyo ye tee ke tiragalokgolo yeo e tšwelelago ka gare ga padikopana . Ka mo gare ga padikopana ya Bogadi ke petse tebanyo e tšwelela morago ga gore Ntholeng a nyalwe ga Lebogo gomme tebanyo e magareng ga Ntholeng , dikgatsedi tsa Mahlomola le mmatswale wa gagwe . Morago ga gore a nyalwe ga Lebogo , Ntholeng o ile a fetoga lekgoba a tlaišwa kua bogadi bja gagwe . Tiragalo ye e nyalelana le hlogo ya padikopana ye ya “ Bogadi ke petse .”

5. ➢ Hlaelelo ya ditaba le kopanafatšo ya padikopana ya Bogadi ke petse . Kopanafatšo ya padikopana ke ge mongwadi a sa anege taba ka botlalo goba go re thlathollela yona gomme o tsena tabeng thwii ntle le go dikadika , se ke go leka go tlhokomedišiša tabataba . Ga mmogo le hlogo ya sengwalwa a se yeo a raretšego le yona e a ipolela . Mo gona go fegwa tše dingwe tša ditiragalo gore tabataba e kgone go ba pepeneneng . Kopanafatšo ya padikopana ye ya Bogadi ke petse e tšwelela ge mongwadi a sa re botše gore maratwana a Ntholeng le Mahlomola a thomile kae gomme o re botša fela gore lerato la bona e be e le leo le tiilego kudu. O thoma ka go tšweletša ge Mahlomola a boledišana mmagwe gore o nyaka go goroša ngwetši . Le mafetšo a gona a hlaelela ka ge re sa tsebe gore morago ga gore Ntholeng a tšhabele gae ka ge mmatswale wa gagwe a ile a mo tšhela ka meetse a go fiša go ile gwa direga eng. Mongwadi o kgonne go tšweletša mollwane wo gabotse gobane morago ga go bala padikopana ye, re šetši ka dipotšišo le dipelaelo gore ekaba lenyalo la Ntholeng le Mahlomola le feletši kae . Ekaba bai le ba fetša ba agile motse wa bona ka babedi ? Aretsi .

6. ➢ Tsheketšo le palo ya mantšu a padikopana ya Bogadi ke petse . Tsheketšo ya mantšu e šomišwa go akaretša dikgopolo tšeo mogwadi a nyakago godi tšweletša go šomišwa diswantšhokgopolo,dika le diema . Se se dira gore padikopana e be ye kopana . Gantši ge mongwadi a hlaloša ditaba tše dintšhi tšeo dika mo paledišago go tšweletša mollwane wo, mongwadi o kgetha fela mantšu ao a tlago akaretša dikgopolo tša gagwe ka gare ga padikopana . O dira seo ka go diriša dika, diema le ditshwantshokgopolo gomme seo se tšweletša bokgabo le botaki bja polelo le go bontšha bokgoni bja mongwadi bja go seketša mantšu . Mongwadi wa padikopana ya Bogadi ke petse o kgonne go tšweletša bokgoni bja gagwe bja go ala ditaba ka mokgwa wa go seketša mantšu ka tšhomiso ya dika le diema . A tlhokomedišiša mollwane wago kgona go kgetha mantsu ao a hlokegago fela . Mehlala : “ Lebitla la mosadi ke bogadi ,” seema se se supa gore mosadi ge a tsena ka gare ga lenyalo o swanetše goba a ikemišeditše go kgotlelela mathata kamoka ao a tlago le lenyalo go ba go fihlela lehu . Mogwadi o dirišitše seema se go tšweletša kgopolo ya gore morago ga gore Ntholeng a nyalwe ga Lebogo o ile a thoma go itemogela mathata a mantši bogadi bja gagwe . Ntholeng ga se aka a iphsina ka lenyalo la gagwe . “ Phejane ” , mongwadi o šomišitše seka se go šupa gore Mahlomola e be e le ngwana wa mafelelo go mmagwe .

7. “Go katoga sehlare sa muši ,” seema se sa “ sehlare sa muši kego katoga ” se ra gore go efoga mathata goba go efoga seo se go hlolelago mathata ke go katoga . Mogwadi o dirišitše seema se go tšweletša kgopolo ya Ntholeng ge a bona gore go efoga mathata ao a bogadi kamoka kego re yena le monna wa gagwe mahlomola ba nyake mo ba tlago dula gona . “ Mpšapedi ga di šitwe ke Sebata,” seema se ra gore batho ge bale ba babedi goba ba šoma gotee ba ka se imelwe goba ba palelwa ke mošomo ka ge batla thušana . Ke ka mo mongwadi a se dirišitšego go bontšha gore Ntholeng otla thušana le mmatswale wa gagwe ka mešongwana ya ka gae . Efeela ga se ke gwa ba bjalo , Ntholeng o ile a fetošwa lekgoba lapeng la ga Lebogo .

8. ➢ Tiragalokgolo le ditiragalonyane tše mmalwa Padikopana ye e na le tiragalokgolo ye tee le ditiragalonyane tše mmalwa . Tiragalo yona e hlangwa ke ditemana mola ditemana di tšwelela ge baanegwa ba le gare ba boledišana ka nako ye itšego . Ka mo padikopaneng ye, tiragalokgolo e tšwelela ge Ntholeng a nyalwa ke Mahlomola gomme a thoma go dula bogadi ka ga Lebogo moo go ilego gwa thoma go ba le dithulano le dikgagano morago ga gore mmagoMahlomola a ikane a ipotše gore otla khutsa pitša le go šila ka ge morwa wa gagwe a goroša ngwetši . Ka madimabe mokgekolo ge abe a bolela mantšu a obe a era ge ntholeng a tlo bereka bona. Ntholeng o ile a fetošwa lekgoba bogadi bja gagwe . Ditiragalonyane tše mmalwa di a tšwelela ka gare ga padikopana ye. Engwe ya ditiragalonyane e tšwelela ge Ntholeng a eya go tsebiša batswadi ba gagwe ka ga mathata ao a itemogelago wona ka bogadi ka ge a fetošitšwe lekgoba , gomme batswadi ba gagwe ba ile ba romela ditshebi ka ga Lebogo go yo kgopelela ngwana wa bona khutšo .

9. ➢ Tlhaganelo ya tswetsopele E tšweletša mafelo ao ditiragalo tša gona di re išago karolong ya mafelelo goba khunollo ya ditaba yeo e re botsago gore ditiragalo di fela bjang . Ka mo padikopaneng ye ya Bogadi ke petse , lefelo leo le re utollelago ditiragalo ke ka moraleng mo Ntholeng le mmatswale wa gagwe ba fihlilego setee ba bitšwa ke monkgo wa morogo wo o bego o eswa . Mmatswale wa Ntholeng o ile a swa monwana wa tšhupabaloi a fiswa ke pitsa yeo ya morogo , gomme a lefeletša seo ka go gaša Ntholeng ka meetsi a go fiša . Ntholeng o ile a kitimela go monna wa gagwe go kgopela thušo efeela a se e hwetše moo a ilego a bona bokaone e le go kitimela go yo a mo imilego kgwedi tše senyane elego mmagwe .

10. Mafetšo : Sengwalwa se se ahlaahlilwego goba go bolelwang ka sona ka godimo , ntle le gore ruta dithuto le go tliša boithabišo , ge re se bapetša le padi otla lemoga gore padi e hlatholla ditaba ka botlalo mola padikopana e gatelela kudu tiragalo e tee goba maikutlo a itšego . Efeela bobedi di re thuša go gola dikgopolong le maitshwaro mabotse .

11. TAODIŠOPHELO YA KGOŠI MAMPURU Kgoši Mampuru o belegwe ka ngwaga wa 1824, a hlokafala ka di 22 November 1883. kgoši Mapuru ebe e le kgoši ya Bapedi ba ngwageng wa lekgolo lesomesenyane ( 19 th - centuary ). Mampuru ke morwa wa Malekutu , yo e lego buti o mogolo wa kgoši Sekwati , kgoši ya Bapedi. Kgoši Mampuru o ganeditše pušo ya mmušo wa bakoloniale wa Brithania . Balaodi ba ba Brithania ba ile ba mo swara morago ga gore a bonwe malato go bolaya kgoši Sekhukhune ka 1882. kgoši Mampuru o ile a bolalwa ka 1883. Lehono kgolego gotee le mmila di reetšwe ka leina la gagwe go mo gopola .

12. Are ge a itheta Bauba ‘a phaahla are: Ke lethwebesane la noka ya Tubatse O re ke mashishimale wa gabo Moshiane tlou ya Mabasa Tlou ya dinaka ke eme marutle gabo Lekgolane O re ke šišimetše ke etša letlapa lapeng la Matobole Modipadi O re ke mogami wa kgomo e tshipša tšeke la bo mmamola pele Lona e kego ke mmolotši wa bjala bja basadi Ke kgomo ya manaka ya bo mmaSelatole sa maila nama Ye ba rego bagami ba yona ba e gama ba eme ka maoto Ba tshaba boditsi go tlola ditshila E rile phorohlooooo ! e ragile Moroka o mogolo leleke la gaMphala ya Molahlela meetseng . yena obe a swere mabele a re keyo shila mola boditsi bo fetša ke peba manganeng O rwele thoto mmago Mohuba a Kanyane e bohlolo bja Tubatse Re ikele bothopša Re ikele gabo matšekella , re ikele gabo sehle la nku lea betlwa Gomme moo ra tšea mooko ra nea bašimane bago diša O re nna Bauba ga ke sa le moopedi ke Letebele ke shetše ke enwa dihlama kua Matebeleng .

13. RE A LEBOGA BANA BA THULARE!

14. Lenaneo la Methopothušo : Lekganyane, E. M. (2023) ‘ Dipharologantšho tša dikanegelokopana dingwalong tša Sepedi’, (Doctoral dissertation, university of Pretoria). Mojalefa, M.J (1997). Ntlhahle I (BA) Sepedi 102. University of Pretoria. Pretoria. Maake, M (2025). (BED) pukukgakollo AFT 121. University of Pretoria. Mojalefa, M.J., 1995. Pego ye e beakantswego ya nyakisiso ya makxothlo ( Lekgothoane ) (Doctoral dissertation, University of Pretoria). Sebake , S.J. (2006). Leeto : Digwalong tša Sepedi (doctoral dissertation, University of Pretoria).