Voceiro do BNG do Porriño - novembro 2024

Voceiro BNG O Porriño - novembro 2024

1. O GOBERNO DO PP FAVORECE A FAMILIARES
E AMIGOS CO SEU URBANISMO
O Porriño
Bloque Nacionalista Galego novembro 2024
BOLETÍN INFORMATIVO DO BNG-O PORRIÑO
Un infractor urbanístico, con parentesco coa concelleira de
Urbanismo, Antía Carrera, beneficiado polo alcalde Lorenzo
Marcelo Rodríguez, Pedro Pereira e Míriam Martínez,
grupo municipal do BNG
Alejandro Lorenzo anunciou unha
modificación do Plan Xeral para legalizar un
edifico fóra de ordenación na Praza Central,
propiedade dun promotor con vínculos
familiares directos coa concelleira de
Urbanismo, Antía Carrera. O goberno do PP
beneficia así a un promotor que leva anos
negándose a cumprir a legalidade
urbanística.
Un baixo comercial, sito na intersección das
rúas Fernández Areal e Doantes de Sangue,
propiedade dun recoñecido apoderado do
PP, e infractor urbanístico, foi comprado polo
goberno local. Está fóra de ordenación por
incumprir co proxecto presentado ao terse
engadido unha altura de forma ilegal, o
que lle impedía obter licenza de
actividade. O goberno compra agora o
local solucionándolle así o problema ao
propietario.
Alejandro Lorenzo non ten inconveniente
en modificar o PXOM para axudar os
amigos do PP, mais négase a facelo para
afrontar os retos que O Porriño ten, como
darlle solución definitiva á ameaza do
Centro de Servizos ao Transporte en
Torneiros, protexer o Louro coa figura do
ENIL, ou garantir máis espazos verdes e
para vivenda de protección.

2. En dous anos, o goberno local do PP lapidou
12 millóns dos fondos públicos e recorreu a
préstamos bancarios que xerarán uns
intereses de 3 millóns de euros. Cando
chegou á alcaldía en 2021 o remanente
existente superaba os 9 millóns, que
aproveitou para facer un dispendio sen
control en gastos superfluos e proxectos
cuestionables, como o Campo da Feira.
En lugar de pagar as facturas pendentes, xa
conformadas polos servizos municipais, co
diñeiro existente, procedeu a revisalas,
prexudicando as empresas provedoras.
O GASTO SEN CONTROL DO ALCALDE
DILAPIDA 12 MILLÓNS DE EUROS
A banca gaña, o Porriño perde
A continuación pediu dous préstamos, un
de 1 millón de euros e outro de 800.000
para pagar esas facturas e agora ten que
pagar intereses e a débeda afoga o
Concello do Porriño.
Un bo goberno ten que xestionar de forma
rigorosa os recursos públicos sen
malgastar e Lorenzo improvisa. Presenta
en agosto o orzamento municipal para
intentar atallar os gastos descontrolados
que fixo e deixou fóra as comuneiras de
Atios polas canteiras e o pago da auga do
Concello de Vigo.
TRANSPORTE PÚBLICO. Comezou un novo curso sen que se lle dese solución á falta de
prazas, nin para o estudantado de bacharelato nin para as persoas que viaxan a Vigo a
primeira hora da mañá. Seguen sen ter garantido o servizo.
COMPOSTAXE. Non se implantaron medidas reais para cumprir coa lexislación
europea e galega. Non hai contedores marróns suficientes nas rúas e só hai unha illa
de composteiros en San Sebastián, cun funcionamento mellorable. O Porriño non pode
continuar a ser un dos poucos concellos que non priorizan a compostaxe.
CONSELLO LOCAL DO BNG

3. O GOBERNO LOCAL DO PP FOXE DA
CULTURA PARA VIVIR DA VERBENA
persoas que viven no centro, que deben
soportar ruídos, sucidade e problemas de
mobilidade continuos. Ademais, a falta de
programación regular e diversa fai que a
veciñanza do Porriño busque nos concellos
da contorna outro tipo de concertos ou de
espectáculos.
O proxecto dun novo auditorio vai ser,
finalmente, moito menos ambicioso do que
necesitaría O Porriño para poder contar
cunha instalación homologable coas que
teñen os concellos limítrofes. Unha
intervención improvisada e a curto prazo
que busca a foto electoralista. Incluso o
informe de Patrimonio reafirma que a
localización non é a máis acertada.
Rescatar a concesión do APARCAMENTO subterráneo municipal. O proceso de
licitación quedou deserto, a pesar do traxe feito a medida para unha empresa amiga.
Vemos a oportunidade de facer a xestión directa do servizo con prezos simbólicos. O
actual alugueiro de propiedades privadas ten custo para as arcas públicas.
Melloras nun CENTRO DE SAÚDE feito para a foto cun custo de 5 millóns. É unha
obra nova, mais sen aumento de persoal médico, especialmente, pediatría; nin novas
especialidades, como fisioterapia ou saúde mental. Hai deficiencias de
accesibilidade, de illamento e deseño de espazos; ademais dunha ambulancia que
presta asistencia en ruta sen estar propiamente dotada, nin polo persoal nin polo
equipamento específico.
AUTOCARAVANA o novo “faime rir” do alcalde. Nin O Porriño é tan disperso nin é
preciso desviar cartos de axuda no fogar para mercar unha autocaravana. Esta ía ser
punto lilá de información sobre violencias machistas. Para achegar a administración
ás parroquias pódense usar os centros culturais ou ofrecer un servizo de bus
municipal para mellorar a mobilidade da xente.
O mundo da verbena e da festa vive unha
situación privilexiada no Porriño. As recentes
Festas do Cristo 2024 supuxeron un gasto
para o Concello de preto de 500.000 euros.
Ademais, é de sobra coñecido pola
veciñanza que aquí sempre tocan as
mesmas orquestras e que persoas que
participan nas listas do PP, mesmo
concelleiros pasados ou actuais do grupo
popular, como Antonio Barros, reciben unha
considerable remuneración por parte do
goberno municipal como animadores ou
cantantes en distintos eventos.
Restrinxir a política cultural dun municipio a
este modelo de festa é limitador e moi
custoso; e provoca molestias na vida das

4. Rúa Ramón González nº14
644 68 79 61
[email protected] @bngoporrinho
@bngoporrinho
@bng.oporrino
Contacta co BNG!
ANA PONTÓN: "O BNG É A
FORZA QUE DEFENDE UN
FUTURO MELLOR PARA A
SOCIEDADE GALEGA. A
FORZA DESTE PAÍS"
Pasou o verán e comezou un novo curso político.
Si, comeza un tempo no que o BNG vai atender
dúas cuestións centrais para garantir unha
Galiza con futuro. Dun lado, poñer fin ao espolio
que sofremos como país. Altri, a invasión eólica,
a eucaliptización do territorio, a estafa da AP9...
son exemplos de explotación do territorio galego
para o lucro privado de grandes empresas, a
costa dos intereses dos galegos e galegas.
A loita contra o espolio de Galiza é unha
constante do nacionalismo. Cal é a outra
cuestión á que se refería?
O reforzo da nosa capacidade de autogoberno. A
defensa dun novo modelo de financiamento, que
poña fin á discriminación que padecemos; tamén
a reclamación de todas as transferencias
pendentes do Estado a Galiza e a petición de
novas competencias, no marco da necesidade
dun novo status político para a nosa nación.
Parar o espolio e reforzar o autogoberno.
Exacto. Porque Galiza é un país rico, con moi
importante recursos e con enorme potencial. E
non obstante a nosa economía e sociedade vai a
menos cos gobernos do PP. Porque o PP desde
a Xunta non traballa en favor de Galiza, senón en
favor dos seus intereses. Ence en Pontevedra,
Altri en Palas de Rei, os sobrecustes do Hospital
Álvaro Cunqueiro e o desmantelamento da
sanidade pública, a depredación eólica...
todas son mostras da política dun PP que
favorece o espolio dos recursos galegos
para darllos regalados ás grandes
empresas amigas. Nós defendemos o
contrario: poñer a riqueza e os recursos
galegos ao servizo de crear aquí emprego e
desenvolvemento. E para iso tamén
precisamos capacidade de decidir sobre o
noso, de xestionarmos aquí todos os nosos
impostos e de marcar as nosas prioridades.
O BNG celebrará Asemblea Nacional o 1 de
decembro. Como a enfoca?
Con toda a forza, a responsabilidade e a
ilusión que dá estarmos no mellor
momento da historia do BNG e de sermos a
forza que ofrece esperanza e utilidade para
o cambio real que Galiza precisa. Sempre
digo que o BNG naceu para ser a forza
política hexemónica do noso país.
Queremos gobernar para transformar, para
poñer en marcha unha Galiza viva, forte,
xusta e con futuro. Diso imos falar na
próxima Asemblea, preparar o BNG para
gañar un futuro mellor para Galiza.