Acara Partangiangan Wijk Setiabudi jakarta.pdf

Gereja

1. HKBP Jl. Jenderal Sudirman Jakarta 1

ACARA PARTANGIANGAN WIJK SETIABUDI
HURIA KRISTEN BATAK PROTESTAN SUDIRMAN JAKARTA
Jumat, 07 Februari 2025, Pukul 18.00 WIB
Tuan Rumah :
Kel. Pdt. Sobok Simajuntak,STh.MM / br. Simorangkir
Kel. Pdt. Herkules Bronson Panjaitan, MDiv / br. Manurung
Kel. Ramses J. Simangunsong / Pdt. Nurista Simanjuntak, STh

1. Marende BE No. 574 : 1 - 2 “Puji Ma Debata” BL. 574
Ay.1 Puji ma, puji ma Debata, na niainNa do umpuji Debata
Nunga sesa dosami, malum dohot rohami
Puji ma, puji ma Debata, na niainNa do umpuji Debata

Ay.2 Olophon, olophon Tuhan i, hatindanghon denggan ni basaNa i
Sai arahon donganmi, ro tu sipalua i
Olophon, olophon Tuhan i, hatindanghon ma denggan basaNa i

2. Votum Introitus & Tangiang :

U : Marhitehite Goar ni Debata Ama dohot Goar ni AnakNa,
Tuhan Jesus Kristus dohot Goar ni Tondi Parbadia, na
tumompa langit dot tano on.
H : Amen.
U : Lehon ma tu Jahowa hamuliaon ni GoarNa, marsomba ma
hamu tu Jahowa, mamangke pahean na marhadohoan,
Haleluya!
Martangiang ma hita:
Ale Tuhan Jesus Kristus, Ho do Panondang na sintong, na
manondangi ganup jolma na di portibion! Sondanghon ma
bohiM tu hami jala parbadiai ma rohanami, asa hutanda
hami dalan hangoluan marhite sian i. Sai rajai ma hami, asa
unang manimbil hami sian dalan na sinting i. Ale Tuhan
Jahowa, patongtong ma rohanami marhaporseaon tu Ho
marhitehite Tondi Parbadia! Amen.

2. HKBP Jl. Jenderal Sudirman Jakarta 2

3. Marende BE No. 252 : 1 + 3 “O Jesus Sai Dongani” BL. 6
Ay.1 O Jesus sai dongani Ma hami sasude
Pasada rohanami Asa bulus sude

Ay.3 Sai Ho ma dongannami Dung i maporus do
Sudena musunami Tunduk dibahen Ho

4. Tangihon hamu ma hata ni Debata sian : Lukas 5 : 1 - 11

Lit : Jongjong di topi tao Genesaret do Ibana sahali, di na nirongoman
ni natorop Ibana, laho umbege hata ni Debata.
Jmt : Jadi tongon ma diida dua parau di topi pasir; ia pardengke i nunga
ruar mamburi jalanasida.
Lit : Gabe dibongoti Ibana ma parau na sada na di si Simon i, jala
dipangido tu ibana, asa dipaholang parau i saotik sian pasir i.
Hundul do anggo Ibana mamodai natorop i sian parau i.
Lit : Asa dung mansohot Ibana marjamita, ninna ma mandok si Simon:
Lugai ma tu na umbagas jala sampakkon hamu ma jalamuna, asa
dapotan.
Jmt : Gabe ninna si Simon ma mangalusi: Guru! Manipat saborngin on
do huhalojahon hami, so adong dapot; alai mangasahon hatami
olo do ahu sumampakkon.
Lit : Dipasaut nasida ma i, gabe dapot nasida ma dengke mansai
godang, pola maribak jala i.
Lit : Jala dihilap nasida ma dongannasida na di parau na sada, asa ro
mandongani nasida mambuatsa. Ro do nasida, gabe digohi ma
parau i duansa maradu lonong.
Jmt : Marnida i si Simon Petrus, marsomba ma ibana tu jolo ni Jesus,
huhut ma didok: Laho ma Ho sian ahu, Tuhan, ai halak pardosa
do ahu!
Lit : Ai tarhalomong do ibana ro di sude donganna siala dengke na
binuatnasida i.
Jmt : Songon i do nang angka dongan ni si Simon i, si Jakobus dohot si
Johannes, angka anak ni si Sebedeus. Jala ninna Jesus ma
mandok si Simon: Unang ho mabiar: Olat ni on ma ho gabe sijala
jolma!

3. HKBP Jl. Jenderal Sudirman Jakarta 3

Lit : Dipadarat nasida ma angka parau i, ditadingkon ma saluhutna i
mangihuthon Ibana.
Martua do angka na tumangihon hata ni Debata jala
naumpeopsa. Amen

5. Koor Wijk Setiabudi
6. Marende BE No. 758 : 3 “Jahowa Pangurupi” BL. 758

Ay.3 Jahowa pandongani di na porsea i
Ibana patuduhon nang sidalananmi
Asa marolopolop ho di ujungna i
Ibana do donganmu nuaeng nang sogot i

7. Tangiang Pangondianon

8. Marende BE No. 475 : 1 “Ho Tongtong Ihuthononku” BL. 92

Ay.1 Ho tongtong ihuthononku Jesus, sipangolu au
Tung na so tadingkononku Ho na paluahon au
Sai marguru au tu Ho, sai marguru au tu Ho
Ho tongtong ihuthononku Jesus, sipangolu au

9. Jamita : Amos 3 : 1 - 8
1) Tangihon hamu ma hata on, na nidok ni Jahowa taringot tu hamu
halak Israel, taringot tu sandok bangso, na hutogihon ruar sian tano
Misir, songon on do:
2) Holan hamu do nian na hutanda sian nasa bangso di tano on; dibahen
i luluhononku ma tu hamu saluhut hajahatonmuna i.
3) Tung udur ma tagamon mardalan dua halak, nda jolo sian dos ni
rohanasida?
4) Tung tagamon ma patungoromon babiat di tombak nda adong
soroonna? Tung tagamon pangiaron ni anak ni babiat ma soarana
sian liangna, nda adong na jumpangsa?
5) Tung tagamon ma tarjail pidong tu jorgong di tano, molo so jolo
ditaon sambil? Tung tagamon ma bingkas jorgong i sian tano, nda
adong dapotsa?

4. HKBP Jl. Jenderal Sudirman Jakarta 4

6) Tung tagamon ma mangkuling sarune di bagasan huta, so biahaton
situan na torop? Tung adong ma tagamon masa parmaraan di
bagasan huta, so binahen ni Jahowa?
7) Ai ndang adong dibahen Tuhan Jahowa nanggo sada, nda jolo
dipapatar sibunianna tu panurirang, angka naposona i.
8) Patungoromon babiat, tung ise ma na so mabiar? Mangkuling Tuhan
Jahowa, tung ise ma na so manurirang?
10. Marende BE No. 714 : 1 - 3 “Tuhan Na Marmahan Hami” BL. 714
(Papungu Pelean)

Ay.1 Tuhan na marmahan hami togu hami ruasMon
Lehon dameMi di hami angka na hinophopMon
Tuhan Jesus Sipalua, parmahani ruasMon
Tuhan Jesus Siparmahan, parmahani ruasMon

Ay.2 Tuhan Parmahan haposan dongan na sumurung i
Sai padao pangunjunan togu ma na lilu i
Tuhan Jesus Sipalua, pasupasu ruasMi
Tuhan Jesus Siparmahan, pasupasu ruasMi

Ay.3 PadanMi huingot hami na mardosa godang on
ias burionMu hami sian haramunon on
Tuhan Jesus Sipalua, Ho nampuna hami on
Tuhan Jesus Sipalua, Ho nampuna hami on

11. Tangiang Panutup









SelamatBeribadah