Teaching on EARLY MARRIAGE in garo society.pptx

To know about early marriage

1. BILSI SOKGIJA JIK-SE RA·ANI (EARLY MARRIAGE)

2. An·chingni a·songo da·alo chadamberangna ong·enga obostarangoniko sandie niode “ Bilsi Sokgija Jik -Se Ra·ani ” - ba (Early Marriage) mingsa ong·gen ine nikatna man·a . “ Bilsi sokgija jik -se ra·ani ” ine aganengon an·ching India- ni manderangnade a·songni niamo pangchake me·chik bilsi 18-na aro me·asa bilsi 21-na komie jik -se ra·anikon miksonggen .

3. Ian namen salrikna ba rim·rikna man·gija ta·raken ong·enggipa obosta gita ong·enga . Da·alo pilak songrangon bilsi sokgijagipa dambe me·a aro me·chikrangni jik -se ra·ani batrikrikenga .

4. Indiani badiaba a·dokrangode ( Rajastan , Gujarat, Bihar, West Bengal, etc.) bi·saonin jik -se ra·ania jatni dakbewal gitaba ong·a . Ia niamo pangchaken mitam me·chik bi·sarangkode brigimin me·asarangna bia ka·e on·anikoba daka .

5. India-o Child Marriage- ko champengoba Khabar South Asia- ni u·iatani gitade 47% me·chikrangde bilsi 18 gapgijagiparangan ong·achim . ICRW- ni (International Center for Research on Women) u·iatani gitade a·gilsakni dingtang dingtang kangalgipa a·songrango (developing countries) bilsi sokgija se kimgipa me·chikrang million 67-na batachim .

6. A·chikrangoba indakgipa dakbewalko da·aloba banoba banobade knakuna man·enga – dambe me·chikrangko budepa aro brigimin me·asarangna on·songa , dokchapa aro indakgiparang . A·chik chadamberango da·alo jeko nikenga uan gipin Rajastan , Gujarat a·dokrango ong·a obostaming namen dingtangsranga .

7. Gipin jatrangnade jatni dakbewal gita ma·a-paan mongsongbate arrange ka·a aro chongipa me·chik bi·sarangna brigimin me·asarangko bia ka·e on·enga . Indiba A·chik chadamberangde an·tangtangsa iako dakna namnike baseenga gita nikmana .

8. Indakgipa obostako nikengon iano anga pilak A·chik chadamberang baksa iako dakani bidingo mai namgijani donga agan-chanchigrikaniko dakatna nangnikenga . Ian chu·sokgipade ongjawa , indiba chanchiangkuna o·pate on·a gita ong·gen ine anga ka·dongsoa .

9. Jik -Se Ra·grikani A·selrang : Ka·sagrikaniko chu·sokatna . ii) Nokdangko dakrimna . iii) Dakchakgrike janggi tangna . v) Saksan donganio namgijaoniko mandeko salrikna . iv) Sikdik sikdik ong · aniko gimaatna . vi) Ian be·eni skani mangmangko chu·sokatna miksonge ong·ja , ka·sagrike janggi tangrimnasa .

10. Africa- ni Country- rango – Me·asa bilsi 15-21 & Me·chik bilsi 15-18 Asia- ni Country- rango – Me·asa bilsi 16-22 (India-21) & Me·chik bilsi 15-20 (India-18) Europe- ni Country- rango – Me·asa bilsi 18 & Me·chik bilsi 14-17 North America- ni Country- rango – Me·asa bilsi 16-21 & Me·chik bilsi 15-18 South America- ni country- rango – Me·asa bilsi 14-18 & Me·chik bilsi 14-16 Oceania Country- rango – Me·asa bilsi 18-21 & Me·chik bilsi 16 A·gilsakni Dingtang Dingtang A·songrangni Tik Ka·e Dongimin Jik -Se Ra·ani Bilsirang :

11. BILSI SOKGIJA JIK-SE RA·ANI A·SELRANG 1. Be·enni skaniko chu·sokatna chol ra·ani 2. Ripengrangni didiani 3. Turim-dongrimani biteni gimin (Accidental) 4. Nokdango neng·nikanirang 5. Jatni niam / dakbewal 6. Media Influence 7. Me·a aro me·chikni gisepo dingtanggrikaniko rakkina simsakjani gimin .

12. Bilsi Sokgija Jik -Se Ra·anio Neng·nikanirang Aro Kena Nanganirang : 1. Bi·sa Ba·anio Kena Nangani : ICRW- ni u·iatani gitade sak 70,000 bilsi 15-19-ona ong·gipa me·chik bi·sarang bilsiantin bi·sa ba·anio man·gipa neng·nikanirangni gimin siangenga . Bi·sa ba·anio mai kengnirang donga ka·mao mesokenga . " Young girls' bodies are not prepared for bearing children.” - Subhas Mohapatra , Founder-Director FFDA

13. a) Obstetric fistula: Ian bilsi sokgijagipa me·chikni bi·sako an·pakani somaio bi·sa atchiani ramani sa·alani a·sel wilwilao donggipa chonchongipa an·chi ja·dilrangona an·chi jokananganini bon·chongdikani ong·a . Jensalo indake ong·a an·pakgipa me·chikrang ki·a-subu jokako rakkina man·gijani obostako chagronggen (chronic incontinence) aro indake ki·chip-su·buchip dake sagen .

14. b) Low birth weight: Ian atchigipa bi·sani jrimna nanganio komiani ong·a . Dambeoni segipa ra·gipa me·chik bi·sarang bi·sa ba·ahaon mitamrangde ritchenggipa aro chongipa bi·sako ba·a jenan namen simsakna nanga . Unbaksana mitam bi·sarangde tangaba tangjolja .

15. c) Having child with inadequate nutrition and anaemia : Bilsi sokgija dambeoni se kime de ba·gipa me·chikrang bi·sani be·en bimangnaba nanga gita dal·roroani bilko on·na man·ja aro indake bi·sako an·chi chu·onggijani sabisiko man·atna ama . Indakgipa bi·sarangko namen simsakbee sana nanga .

16. d) Cervical cancer: Dambeoni bilsi sokgija se kimgipa me·chikrang bi·sa ong·katbaani ramao bi·sa an·pakani a·sel ja·mano cancer sabisiko man·aba ama .

17. 2. Kangal Ong·ani (Poverty): Dambeoni bilsi sokgija jik -se ra·giparang bang·batan kangal-cha·asianiko chagrongna nangbata . Maina uamang janggi tanganina chol nikjae namen neng·skime tikkelna nangbata . Kangalbegipa nokdangni manderang ong·pangpangode bilongen kangal ong·daproroa .

18. 3. Sexually Transmitted Diseases: HIV/AIDS HPV

19. HEPATITIS B HERBS SYPHILIS

20. GONORRHOEA BACTERIA SCABIS

21. 4. Effects on Offspring ( Bi·sarangnaba kengni dongani ): Bilsi sokgija se kimani ma·gipanasan kenani ong·aija indiba uni bi·sarangnaba ong·a . Bi·sarang nanga gita name an·senge atchijaode aro uamangna nangarangko on·e simsakna , sana-bana man·jaode sinaba man·aia . Bi·sarangni future- ba nosto ong·na man·a .

22. 5. Jik -Se Galgrikani : Dambeoni jik -se ra·giparangni gisepo sandirikite niani gitade jik -se galgrikani ong·bata . Uamang uamangni nangnikani gita ong·nikjaha ba chu·ongnikjaha ong·ode saksa-sakgipina ka·sagija galgrikaba galgrikmataia .

23. 6. Poraianio Chu·sokgijani : Dambeoni jik -se ra·giparang bang·batan poraianio chu·sokna man·rongja . Uamang an·tangtangni jumang niksoaniona aro miksonga nisanona sokna man·ja .

24. 7. Be·entangko Pale cha·aniona dila (Prostitution) Dambe me·chikrangni segipa galania basakobade cholon gri janggi tanganiona ba be·entangko pale cha·aniona sokatna man·a .

25. 8. A·songni Niamko Pe·ani Sasti : India a·songni niamo 1929 bilsio dambe bi·sarangni kimgrikaniko champengani n iamko ra·gatman·aha jekon “The Child Marriage Restraint Act, 1929” ine agana . Apsan niamkon 2006 bilsio namdapate “Prohibition of Child Marriage Act, 2006” ine ra·gataha .

26. Ia niamni gitade me·asa bilsi 21 aro me·chik bilsi 18 gapgija jik -se ra·aode a·songni niamko pe·gipa ine chanako man·a aro uamang niam gita sastiko man·a nanga .

27. Ka·mao aditako mesokata . a) Bilsi sokgija kimgrikaniko bia ka·ani somaion jegalna man·a . b) Kachari (Court) me·asani ma·a-paako aro nirokgiparangko (guardians) me·chikni maharioni man·sogimin tangka-paisarangko , gamrangko , gamchatgipa gananirangko aro gipin ka·sae on·anirangko (dowry) me·chikni maharina on·atpil·na ge·etna man·a ( Gipin Jatrangna ). c) Kachari (Court) me·asako aro uni ma·a-paako ba guardian- rangko me·chikna uni sakgipin me·asako bia ka·kujana kingking aldu-mittangna ge·etna man·a ( Gipin Jatrangna ).

28. d) Bia ka·ani bidingo ale cha·aniko dakani aro uanona re·anggipa sakanti niamni ning·o sastiko man·a kraa . e) Bilsi sokgija dambe demechikko bohari watataniko bia ka·anina palbadingani aro namgijana miksonge palbadingani case-o chana man·a . f) Bilsi sokgija dambe me·chikko jik ra·gipa me·asako aro bia ka·anio dongpagipa , chu·sokatgipa , namnikpagipa aro dakchakpagipako bilsi 2-na patoko dona man·a aro Gong· lakh 1-ona king king dai gamatna man·a .

29. Bilsi Sokgija Jik -Se Ra·ania Isolni Skani Ong·aigenma ? ?

30. Dambeoni jik -se ra·ani Isolni skani ong·ama ong·ja Sastroo maming rongtale janapani dongja . Indakgipa bilsio dipat bia ka·na man·a / jik -se ra·na man·a ine maming sakkiko Sastrooniko man·ja . Sastroo maming janapani dongjani gimin Isolni skani ine ra·chakna man·aigen , ia ong·janaba donga. Maina dambeoni jik -se ra·anio bang·a neng·anirang donga. Me·asa bilsi 21 aro me·chik 18 ong·aiana jik -se ra·na man·aiaha ine chanchie jik -se ra·anide ong·ja . Jik -se ra·na be·eni aro gisikni gita namen tarisona nanga . Jik -se ra·anina tarisoania dambeni salrangan ong·a .

31. Da·alo dambeoni jik -se ra·e kangal ong·anirangko , bi·sa ba·anio me·chikrangni sianiko , poraianio chu·sokgijaniko , dedrangko Isolni namnikanio dal·atna changgijaniko , jik -se galgrikaniko , jik-seni gisepo meligrikna man·gijaniko , jikburing-seburing nikgrikaniko bang·en knara , jerangan jik -se ra·anio neng·aniko on·a aro uko ong·siata . Da·alo an·chingba Isolni manderang ong·pae a·songni niamrangnaba bamna nanga (cf. Rom 13:1; 1 Pit. 2:13). Isol jik -se ra·anio chu·soke nitoaniko nangnika , uko ong·siatanina Ua kusi ong·jawa .

32. INDIDE MAIKO DAKSKABO??? 2. Bilsi chu·sokaona ba tik somoina sengbo . 3. Skel-bakkel dakaniko champengbo . 4. Janggi tangani cholkoba sandichengbo . 1. Isolni skaniko am·chengbo . 5. Bia ka·e nokdang dakanina be·eno aro gisiko tarisobo . 6. Agre dambeoni mikchaaniko daknabe . 7. Namgipa chanchianiko pangnan donbo . 8. Poraianina gisik nangbatbo . 9. Chugipa miksonganiko donbo aro uko chu·sokatna rake kam ka·bo . 10. Saksa-sakgipinko u·igrikna somoi ra·grikbo .